दुई महिनादेखि बन्द देशभरका मालपोत कार्यालयहरु आइतबारदेखि खुल्दै!!
काठमाडौं । साढे दुई महिनादेखि बन्द देशभरका मालपोत कार्यालयहरु आइतबारदेखि खुल्ने भएका छन् ।
भूमि व्यवस्थापन तथा अभिलेख विभागले शुक्रबार सूचना निकालेर आइतबारदेखि सेवा सुरु गर्न मातहतका कार्यालयहरुलाई निर्दशन दिएको छ ।
भूमि व्यवस्थापन तथा अभिलेख विभागको सुचना
सरोकारवाला निकाय र सेवाग्राहीबाट मालपोतको सेवा सुचारु गर्न आग्रह गरेपछि कार्यालय खोल्न लागेको विभागले जनाएको छ ।
विभागले सबै मालपोतका प्रमुखलाई अनिवार्य रुपमा कार्यालयमा उपस्थित भएर अन्य आवश्यक कर्मचारीलाई बोलाएर स्वास्थ्य सुरक्षा अपनाई आन्तरिक व्यवस्थापन र अन्य अत्यावश्यक सेवा सूचारु गर्न निर्देशन दिएको छ ।