कतारका राजाको नेपाल भ्रमणको दिन सार्वजनिक बिदा
काठमाडौं, १० वैशाख २०८१ : नेपाल सरकारले कतारका राजा शेख तमिम बिन हमाद अल थानीको आसन्न नेपाल भ्रमणको सम्मानमा मंगलबार सार्वजनिक बिदा दिएको छ । सोमबार बसेको मन्त्रिपरिषद् बैठकपछि सञ्चार तथा सूचना प्रविधिमन्त्री रेखा शर्माले उक्त निर्णय सार्वजनिक गरेकी हुन् । नेपालमा विदेशी राष्ट्र प्रमुखको आगमनमा सार्वजनिक बिदा दिने यो प्रचलन राष्ट्रको आतिथ्य र कूटनीतिक सम्बन्धलाई पुन: पुष्टी गर्दै जारी छ ।